Proposta Estadu Emerjensia Sei Submete Ba Xefe Estadu Iha Semana Oin
PROPOSTA ESTADU EMERJENSIA NIAN SEI SUBMETE BA XEFE ESTADU IHA SEGUNDA SEMANA OIN
Dili, 21 Marsu 2020: Governu sei submete proposta Estadu Emerjensia nian ba Prezidente Repúblika Dr. Francisco Guterres Lú Olo iha segunda feira semana oin, ne’ebé Konsellu Ministru aprova ona iha Segunda loron 16 fulan Marsu 2020, relasiona ho COVID-19.
Hafoin Xefe Estadu simu pedidu Governu nian ne’e, Xefe Estadu sei konvoka reuniaun Konsellu Estadu hodi rona opiniaun sira molok lori ba Parlamentu Nasionál hodi hetan aseitasaun molok dekreta Estadu Emerjensia.
Objetivu Estadu Emerjensia ne’e atu fó kbiit ba Governu hodi bele halo limitasaun ba sirkulasaun no reuniaun sidadaun sira nian ne'ebe konsagra iha KRDTL, nu’udar parte ida atu halo prevensaun lalais ba tranzmisaun COVID-19. Daudaun ne’e Governu labele limite sidadaun sira nia movimentasaun no reuniaun sira ne’ebé halibur ema barak, ne’ebé bele provoka da’et COVID-19, enkuantu seidauk iha Estadu Emerjensia, maibé wainhira Xefe Estadu dekreta ona Estadu Emerjensia mak Governu sei
iha kbit tomak hola desizaun laalais no rapidu ba prevensaun COVID-19 ne'ebe sei perturba sidadaun sira nia direitu balun.
Pais lubuk ida mak dekreta ona Estadu Emerjensia, nu’udar meius ida atu responde lalais ba prevensaun COVID-19 ne’ebé daudaun ne’e sai ona pandemia global. HOTU
Dili, 21 Marsu 2020: Governu sei submete proposta Estadu Emerjensia nian ba Prezidente Repúblika Dr. Francisco Guterres Lú Olo iha segunda feira semana oin, ne’ebé Konsellu Ministru aprova ona iha Segunda loron 16 fulan Marsu 2020, relasiona ho COVID-19.
Hafoin Xefe Estadu simu pedidu Governu nian ne’e, Xefe Estadu sei konvoka reuniaun Konsellu Estadu hodi rona opiniaun sira molok lori ba Parlamentu Nasionál hodi hetan aseitasaun molok dekreta Estadu Emerjensia.
Objetivu Estadu Emerjensia ne’e atu fó kbiit ba Governu hodi bele halo limitasaun ba sirkulasaun no reuniaun sidadaun sira nian ne'ebe konsagra iha KRDTL, nu’udar parte ida atu halo prevensaun lalais ba tranzmisaun COVID-19. Daudaun ne’e Governu labele limite sidadaun sira nia movimentasaun no reuniaun sira ne’ebé halibur ema barak, ne’ebé bele provoka da’et COVID-19, enkuantu seidauk iha Estadu Emerjensia, maibé wainhira Xefe Estadu dekreta ona Estadu Emerjensia mak Governu sei
iha kbit tomak hola desizaun laalais no rapidu ba prevensaun COVID-19 ne'ebe sei perturba sidadaun sira nia direitu balun.
Pais lubuk ida mak dekreta ona Estadu Emerjensia, nu’udar meius ida atu responde lalais ba prevensaun COVID-19 ne’ebé daudaun ne’e sai ona pandemia global. HOTU
