Saude Munisipiu Manufahi Prepara Fatin Izolamentu Virus Corona
Saúde munisípíu Manufahi prepara fatin izolamentu hodi izola komunidade deskonfia afeta ba virus Corona.
Diretóra servisu Saúde Munisípiu Manufahi Florençia Corte-Reál hateten relasiona Timor leste dadaun ne’e rejista ona kazu virus corona ida,tanba ne’e atu halo prevensaun parte munisípiu Manufahi mós prepara ona fatin tratamentu ba moras tubercoloze nian iha Same, sai hanesan fatin provizóriu ba izolamentu virus corona nian bainhira komunidade balun deskonfia hetan virus ne’e.
Florençia Corte-reál hateten Saúde Manufahi preukupa ho ekipamentu nebe la sufisiente hodi halo atendimentu ba sidadaun nebe karik identifika sintomas ba virus Corona, tanba ne’e atu buka solusaun parte saúde orenta pesoál saúde sira uza osan rasik sosa kapa udan nian, uza hodi prevene an bainhira halo tratamentu ba komunidade sira ne’ebé afeta husi virus Corona.
Entretantu servisu Saúde Manufahi segunda-feira (23/03) hala’o kampaña prevensaun virus corona ba autoridade,lideransa komunitária no sosiedade sivil sira hodi hada’et informasaun ba komunidade sira.(Jugu)
