Foin Vasina Dala Ida Tama Ba Oecusse Tenki Karantina Loron Sanulu Resin Ha'at (14)
KONVOKATORIU AUTORIDADE RAEOA NO ZEESM TL
Oé-Cusse, iha loron Sesta, 06 agostu 2021, Prezidente Autoridade hamutuk ho Membrus Autoridade sira na’in sia (9) hala’o enkontru konvokatoriu, iha sala reuniaun Prezidente Autoridade Oebau, Sanane, Costa, Pantemakasár.
Iha enkontru konvokatoriu refere Membru Autoridade sira halo aprovasaun ba alterasaun presu billete no kondisoens transporte Aero entre Dili no RAEOA liu husi aeronavel DH6-400 Twin Otter hanesan, aprova presu ba billete lalabrik ho idade inferiori (bebe) tinan 2 ba kraik hamutuk $ 8.00; aprova presu billete ba labarik ho idade tinan 2 to’o tinan 12 hamutuk $ 20.00; ; aprova presu billete ba ema sira hamutuk $ 30.00; no ; aprova presu billete ba institusoens estadu, entidades públikas nasionais ka estranjeirus no seluk tan hamutuk $ 40.00. Aprova mos kondisoens transporte aéro providensiadu ba RAEOA atraves aeronave DH6-400 Twin Otter, minimu aviaun halo movimentu loron-loron, ho kriteria pasajeiru sira tenke vasinadu II doze no ba sira seluk ne’ebe maka sidauk vasina ka foin vasina dala ida maka autoridade sei aplika nafatin karantina loron 14.
Esforsu Autoridade RAEOA hodi hasai Oé-Cusse husi area izolamentu impaktu Covid-19, ida maka asegura nafatin movimentu transporte aero ba ligasaun entre Dili ho RAEOA
){kind=link}