Laen Sai Serbisu Tarde,Fen Hurlele Laen Ho Aisar

Violensia Domestika Dala Barak Komete Husi Laen Hasoru Fen Maibe Iha Kazu Ida Ne'e Feto Mak Halo Violensia Domestika Hasoru Mane,Kazu Ne'e Akontese Entre Fen Inisial MIA Hasoru Nia Laen Ho Inisial CS.Tuir Deklarasaun CS Katak Nia Fen Baku Nia Tamba Nia Sai Serbisu Tarde

Arguida Hirus Ho Nervozu Lori Aisar Baku Hau Ne'e Tamba Iha Momentu Ne'eba Hau Sai Serbisu Tarde Tamba Ne'e Arguida Deskonfia Hau Ba Feto Seluk " Deklara Lezadu Iha Sala Audensia Julgamentu Iha TDD,Kuarta 02/05.

Arguida Ho Lezadu Moris Hamutuk Nu'udar Fen Ho Laen Iha Tinan 2006 No Iha Oan Nain Rua.

Tuir Akuzasaun Husi Ministeriu Publiku,Iha Loron 9 Juñu 2017 Tuku 6:00 Dadersan Iha Maskarinhas Bainhira Lezadu Toba Hela Iha Televizaun Nia Oin,Arguida Hahu Koalia Barak No Mur Mura Katak Lezadu Iha Relasaun Ho Feto Seluk "Lezadu Hader No Toba Fila Fali" Hare'e Ida Ne'e Halo Arguida Nervozu Lori Aisar Baku Lezadu Nia Kotuk Laran Dala Rua,Liman Dala Rua No Ulun Dala ida To'o Aisar Ne'e Tohar Iha Lezadu Nia Isin Lolon.

Konsekuensia Husi Arguida Nia Hahalok Ne'e Lezadu Senti Moras Iha Liman No Ulun

Entertantu Lezadu Informa Ba Tribunal Katak Arguida Baku Dunik Nia To'o Aisar Tohar Iha Nia Isin Lolon.

Hafoin Hetan Agresaun Fiziku,Lezadu Deside Entrega Fila Fali Arguida Ba Nia Familia,Daudaun Ne'e Lezadu Ho Arguida La Hela Hamutuk Ona