MEMBRU FALINTIL-FDTL NA’IN 11 SEI BA TUIR KOMPETISAUN TIRU IHA AUSTRALIA
Membru FALINTIL-Forsa Defesa Timor-Leste (F-FDTL) na’in sanulu resin ida sei ba tuir kompetisaun tiru Australian Army Skills at Armas Meeting (AASAM) iha Austrália
Iha intervista komandante Sentru Formasaun Treinu Koronel Cesário Salustiano Marçal Ximenes 'HAKSOLOK' hateten, durante preparativus ida ne’e selesaun mai hosi anibel Instituisaun Militár nian prinsipalmente Komponente no Unidades hothotu hanesan, Komponente Terrestre, Komponente Naval, Unidade Polisia Militár, Unidade Apoiu Servisu, amesmu tempo ho Sentru Formasaun e Treinu so uniku Unidade Espesiais mak la disponibel ntaun sira la partisípa iha treinamentu ida ne’e.
Momentu ne’eba sira mai hamutuk 25 pesoas efetivu Militár, entre 25 pesoaos ne’e nain sanulu resin ida maka prense rekejitus iha selesaun ida ne’e no durante fulan rua nia laran sira simu treinamentu hosi asésor Austrálianu ne’ebé agora dadaun iha ita bo’ot sira nian, dehan Komandante HAKSOLOK.
Hatutan tan, durante treinu preparativus ida ne’e, sira infrenta difikuldade oioin más hanesan ema Militár ida, ema professionál ida, difikuldade ne’e laós obstaklu, maibé sira boa bontade sira hotu dispostu oinsá sira simu treinamentu ida ne’e ho diak, hanesan ohin ita bo’ot sira hare rasik ho matan, sira halo demostrasaun signifika ohin sira finalija ona treinamentu iha Timor, no dia 13 sei aranka ba Austrália, hodi halo preparativus iha ne’ebá durante loron sanulu, depois maka sira sei tuir kompetisaun tiru hamutuk ho Forsa Estadus Unidus Amerika prinsípalmente infantaria ninian iha Darwin Australia.
Hau iha esperansa ba hau nia Militár sira, tamba durante fulan rua nia laran sira tiru 600 metrus ho diak, soke problema itoan maka kilat ne’ebé agora dadauk ami treinu, ami sei rai hela iha Timor no ba ami sei uja fali kilat ne’ebé Militár Austrália sira prepara ona, ida ne’e maka problema itoan ba ami maibé hau garante katak sira sei susesu.
Koronel Cesário Salustiano Marçal Ximenes “HAKSOLOK” hato’o mensajem ba membru sira katak, hau fiar imi aumesmu tempo hau lori Xefe Estadu Maior Jenerál nia naran hau konfia ita bo’ot sira, tamba ita bo’ot sira lori Instituisaun F-FDTL nia naran sei ba tuir kompetisaun iha rai liur, ne’ebé hau fiar katak ita bo’ot sira sei fila mai ho susesu.
