Taur Matan Ruak Tau Fatuk Dahuluk Ba Construção Plaza Andar 23 No Ida Andar 19

Primeiru-Ministru Taur Matan Ruak, hamutuk ho Ministru Kordenadór Asuntu Ekonómiku, Joaquim Amaral, Ministru Obras Públikas, Abel Pires da Silva, Ministra Negósius Estranjeirus no Kooperasaun, Adaljiza Magno, Sekretáriu Estadu Ambiente, Demétrio Amaral,  Empreza Timor Marina Square S.A. no CEO “A-Smart Holdings Ltd”, Sr. Liam Huan Chiang, tersa ohin hala’o serimónia lansamentu ofisial tau fatuk dahuluk ba Konstrusaun Edifísiu Timor Marina Square, ne’ebé lokaliza iha Eis Sede Partidu ASDT Lecidere, Dili.

Investimentu kompleksu Timor Marina Square ne'e asosia ho A-Smart Property Holdings Pte.Ltd  hosi Singapura ho kustu dolar amerikanu millaun $50, propreadade ne'e sei okupa rai hektare 320m3 ho edifísiu rua ida-idak ho andár 23 no 19. Marina Square ne'e sei iha espasu ba Office, Rezidénsia, Shopping Center, Hotel, apartamentu no fatin konferénsia ho padraun internasionál.

Prosesu konstrusaun sei hahú iha fulan-outubru tinan ida ne’e no wainhira kompleta, sei sai fatin ikóniku foun iha Dili.