Veteranos 0 á 3 E 4 á 7 Sei Simu Osan Fulan Fulan Hanesan Ho Veteranos 8 á 14,15 á 19,20 á 24

Dili, loron 3 fulan – Maio tinan 2022,Sua Esselénsia Ministro para os Assuntos dos Combatentes da Libertação Nacional, Júlio Sarmento da Costa “Meta Mali” marka prezensa iha debate Orsamentu ratifikativu 2022 iha Uma Fukun Parlamento Nasional

Iha debate Orsamento ratifikativu ne’e Deputadu/a sira kestiona konaba kriasaun fundu Veteranos ho orsamentu alokadu Billaun $.1 ho fundus investimentu Veteranos nebe kada fulan koa $30,no mos muda fundu transferensia publika ba Kapital Dezemvolvimentu.

MACLN Hatan ba preokupasan husi Deputadu/a sobre kriasaun fundu Veteranos ho orsamentu alokadu billaun $ 1 nebe’e sei oferese ba Veteranos ho grau 0 á 3 no 4 á 7 sira tamba hare ba situasaun “INJUSTISA” durante ne’e Governo fó subsidiu deit pensaun ba Veteranos ho grau 8 á 14, 15 á 19 no 20 á 24.

INJUSTISA ne’e mosu bainhira iha Veteranos balun nebe’e halai ba ailaran hodi gasta tempu tinan 3 to’o 4 iha ailaran maibe la hetan buat ida husi Governo anterior, tanba ne’e mak VIII Governo Konstitusional valoriza sira nia partisipasaun konsidera grau 0 á 3 ho 4 á 7 sira nian kontribuisaun ba “LUTA LIBERTASAUN NASIONAL” nebe’e importante.

MACLN hatan mos ba fundus $30 nebe’e koa fulan – fulan ne hanesan investimentu Veteranos nian ba futuru no fundus ne’e Na’in mak Conselho Combatenes Libertação Nacional no ba oin bele diversifika investimentu ho osan husi Fundu ne'e rasik