Eskavator Ida Hetan Sunu Husi Ema Deskuñesidu
‘’ ESKAVATÓR IDA HETAN SUNU HUSI EMA
Makina esavatór ida hetan estragu total iha mota Klere suku Cai-casa postu administrativu Fatuberlihu munisípíu Manufahi iha Sábadu (14/03) tamba deskonfia sunu husi ema deskoñesidu.
Mandór kompaña Samdil Divita unipesoal Lda,António Brolyn de Sousa informa kataka akontesementu ne’e akontese iha óras tuku 12:00 Meudia bainhira operadór hapara hela makina iha fatin servisu nian atu ba haan meudia iha uma maibe la to’o minutu 30,badaen sira halai no fó hatene ba operadór kona ba akontesementu ne’e.
Rona informasaun ne’e operadór ho badaen halai to’o iha fatin akontesementu, ahi haan dadaun eskavatór ho velosidade makas hodi rezulta ekavatór hetan estragu total.
António isplika Kazu ne’e hato’o ona ba iha Parte Polisia Eskuadra postu Fatuberlihu no tuir planu tersa feira (17/03) sei bolu operadór no traballadór sira hodi justifika kazu ne’e iha polisia eskuadra Fatuberlihu.
