Prezidente Repúblika Husu Atu Tau Hamutuk Forsa Kontra Virus Korona
PREZIDENTE REPÚBLIKA HUSU ATU TAU HAMUTUK FORSA KONTRA VIRUS CORONA
Palásiu Prezidensiál Nicolau Lobato, Díli, 18 marsu 2020
Prezidente Repúblika, Francisco Guterres Lú Olo, iha enkontru ho Vise Ministra Saúde, Elia Amaral husu atu tau hamutuk forsa kontra Virus Corona.
To’o ohin loron, Timor-Leste nu’udar pais ida ne’ebé seidauk iha kazu virus corona. Maibé haree ba kazu sira ne’ebé akontese tiha ona iha nasaun seluk halo ema hotu preokupadu. Tanba ne’e Prezidente Repúblika hateten:
“Ha’u husu atu ita hotu servisu hamutuk kontra Corona Virus. Tau hamutuk ita-nia forsa, identifika rekursus nasionál Timor-oan sira, halo formasaun ba profesionais saúde sira atu hatene ho loloos servisu kontra virus corona, akompaña bebeik evolusaun dezenvolvimentu virus corona iha pais hotu hotu ne’ebé afetadu, no informa loroloron ba ita nia komunidade”.
Prezidente Repúblika hato’o nia apresiasaun ba Komisaun Interministeriál ho partisipasaun husi ajénsia ONU, Organizasaun Mundiál ba Saúde, Cruz Vermelha Timor-Leste no entidade tomak ne’ebé halo ona esforsu ba prevensaun COVID-19.
Xefe Estadu husu informasaun kona-ba COVID-19 iha ámbitu atu prepara mensajen ba povu relasiona prevensaun moras no estuda desizaun Konsellu Ministru nian ne’ebé deside no solisita atu Prezidente Repúblika deklara Estadu Emerjensia ba prevensaun COVID-19.
Ba Xefe Estadu, Vise-Ministra Dra. Elia Amaral afirma katak, to’o ohin loron Timor-Leste seidauk iha kazu konfirmadu ba COVID-19. Maske nune’e, Timor-Leste hanesan mós nasaun seluk ne’ebé tama ona alerta pandemia, ho nune’e ekipa hotu halo vijilánsia másimu, hahú hosi prepara fatin karantina, izolamentu no prepara ekipa professionál sira no kontinua fahe informasaun ba komunidade kona-ba lalaok husi pandemia COVID-19.
Iha audiénsia ne’e, Reprezentante Organizasaun Mundiál Saúde (OMS), Dr. Rajesh Pandav husu ba Prezidente Repúblika atu tetu ho didi’ak situasaun hotu molok foti Estadu Emerjensia. Rajesh Pandav sujere ba Xefe Estadu katak bainhira hato’o mensajen ba povu Timor-Leste fó atensaun boot ba komportamentu loroloron nian, hanesan labele fuma sigaru, toba sedu, labele konsumu alku too lanu, hakbesik an ba Sentru Saúde bainhira iha sintoma.
Prezidente Repúblika hato’o nia preokupasoins kona-ba luta hasoru COVID-19 no sei ko’alia klean liután ho Primeiru Ministru. Prezidente Repúblika sei buka hatene medidas ne’ebé presiza foti relasiona ho Estadu Emerjénsia. Prezidente Repúblika sei estuda desizaun no solisitasaun Konsellu Ministru iha 16 marsu atu deklara Estadu Emerjensia nu’udar dalan ba prevensaun COVID-19.
Vise Ministra akampaña husi Kordenadór Rezidente Nasaun Unidas nian iha Timor-Leste, Roy Trivedy, Reprezentante Organizasaun Mundiál Saúde (OMS), Dr. Rajesh Pandav no Prezidente Cruz Vermelha Timor-Leste, Madalena Hanjam partisipa iha audiénsia ho Prezidente Repúblika.
Palásiu Prezidensiál Nicolau Lobato, Díli, 18 marsu 2020
Prezidente Repúblika, Francisco Guterres Lú Olo, iha enkontru ho Vise Ministra Saúde, Elia Amaral husu atu tau hamutuk forsa kontra Virus Corona.
To’o ohin loron, Timor-Leste nu’udar pais ida ne’ebé seidauk iha kazu virus corona. Maibé haree ba kazu sira ne’ebé akontese tiha ona iha nasaun seluk halo ema hotu preokupadu. Tanba ne’e Prezidente Repúblika hateten:
“Ha’u husu atu ita hotu servisu hamutuk kontra Corona Virus. Tau hamutuk ita-nia forsa, identifika rekursus nasionál Timor-oan sira, halo formasaun ba profesionais saúde sira atu hatene ho loloos servisu kontra virus corona, akompaña bebeik evolusaun dezenvolvimentu virus corona iha pais hotu hotu ne’ebé afetadu, no informa loroloron ba ita nia komunidade”.
Prezidente Repúblika hato’o nia apresiasaun ba Komisaun Interministeriál ho partisipasaun husi ajénsia ONU, Organizasaun Mundiál ba Saúde, Cruz Vermelha Timor-Leste no entidade tomak ne’ebé halo ona esforsu ba prevensaun COVID-19.
Xefe Estadu husu informasaun kona-ba COVID-19 iha ámbitu atu prepara mensajen ba povu relasiona prevensaun moras no estuda desizaun Konsellu Ministru nian ne’ebé deside no solisita atu Prezidente Repúblika deklara Estadu Emerjensia ba prevensaun COVID-19.
Ba Xefe Estadu, Vise-Ministra Dra. Elia Amaral afirma katak, to’o ohin loron Timor-Leste seidauk iha kazu konfirmadu ba COVID-19. Maske nune’e, Timor-Leste hanesan mós nasaun seluk ne’ebé tama ona alerta pandemia, ho nune’e ekipa hotu halo vijilánsia másimu, hahú hosi prepara fatin karantina, izolamentu no prepara ekipa professionál sira no kontinua fahe informasaun ba komunidade kona-ba lalaok husi pandemia COVID-19.
Iha audiénsia ne’e, Reprezentante Organizasaun Mundiál Saúde (OMS), Dr. Rajesh Pandav husu ba Prezidente Repúblika atu tetu ho didi’ak situasaun hotu molok foti Estadu Emerjensia. Rajesh Pandav sujere ba Xefe Estadu katak bainhira hato’o mensajen ba povu Timor-Leste fó atensaun boot ba komportamentu loroloron nian, hanesan labele fuma sigaru, toba sedu, labele konsumu alku too lanu, hakbesik an ba Sentru Saúde bainhira iha sintoma.
Prezidente Repúblika hato’o nia preokupasoins kona-ba luta hasoru COVID-19 no sei ko’alia klean liután ho Primeiru Ministru. Prezidente Repúblika sei buka hatene medidas ne’ebé presiza foti relasiona ho Estadu Emerjénsia. Prezidente Repúblika sei estuda desizaun no solisitasaun Konsellu Ministru iha 16 marsu atu deklara Estadu Emerjensia nu’udar dalan ba prevensaun COVID-19.
Vise Ministra akampaña husi Kordenadór Rezidente Nasaun Unidas nian iha Timor-Leste, Roy Trivedy, Reprezentante Organizasaun Mundiál Saúde (OMS), Dr. Rajesh Pandav no Prezidente Cruz Vermelha Timor-Leste, Madalena Hanjam partisipa iha audiénsia ho Prezidente Repúblika.
