Sidadaun Ida Tama Ba Indonesia iha 2003 No iha 2/11/2021 Deside Fila Mai Timor Leste

RAEOA, 2 novembru 2021 (SRP) - Unidade Patrullamentu Fronteira (UPF), Postu Sakato, kaptura tan sidadaun timor oan na’in 1 ho naran inisial FT tinan 35, hosi Leolbatan, Suku Costa, Sub-Rejiaun Pante Makassar, tanba tama ilegal hosi Kalimantan-Indonezia mai Rejiaun Administrativa Espesial Oé-Cusse Ambeno (RAEOA).

Sidadaun timor oan ne’e tama ba Indonezia liu dalan ilegal iha tinan 2003 ho objetivu hodi servisu iha DEPNAKER (Departemen Tenaga Kerja), Kelapa Sawit iha Kalimantan, hafoin desidi fila hikas mai Timor-Leste no hetan kapturasaun husi Komandante Postu Sakato liu hosi patrulla rutina iha tasi ibun area Sakato nian ne’ebe fronteira besik malu kedas ho Indonezia, no daudaun entrega ona ba parte saude hodi kumpri kuarentena durante semana rua nia laran.