Partido KHUNTO Halao Asaun Kariedade Ba Vítima Inundasaun

Díli, Loron 18 Marsu 2020; Hafoin observa direta ba família vitima sira husi inundasaun ne'ebé akontese iha Sexta-feira semana kotuk, Konseleiru Superior Partido Kmanek Haburas Unidade Nasionál Timor Oan (KHUNTO), Sr. José dos Santos Naimori Bukar, hamutuk ho Estrutura Nasionál no Militantes ho Simpatiazante sira, hala'o asaun kariedade, fó apoiu nesesidade bazika hanesan, Foos, Mina, Supremie, no sasan seluk-seluk tan, ba família vitima inundasaun ne'ebé akontese iha Sexta-feira semana kotuk liubá.

"Asaun kariedade ida ne'e nudar umano, ami hakarak manifesta ami nia solidariedade ba família vitima husi inundasaun sira hotu, no hato'o mós ami nia sentidu kondolénsia ba família ne'ebé lakon vida. Ita labele hein deit Governu, maibé ita mós sentimentu nudar umano no ema Timor Oan, tenki kontribui ba ita nia Nasaun, liliu ajuda ita nia maluk sira ne'ebé presija ita nia tulun, Konseleiru Superior Sr. José dos Santos Naimori Bukar Haktuir".

#Mídia_khunto